ESSA BAUCAU: Essa Baucau

ESSA BAUCAU nu'udar Salesiano nia eskola sekundaria jeral dahuluk iha Timor-Leste

Casa Branca

Essa Baucau nu’udar salesiano nia eskola sekundaria jeral dahuluk iha Timor-Leste ne’ebe hari’i husi padre misionariu Salesiano nia ida ne'ebe ho naran Pe. Rolando Fernandez,SDB iha tinan 1985 ho naran ba dahuluk mak SMAK, ba daruak mak ESSA SENIOR no ho naran atual ESSA BAUCAU ( Eskola Sekundariu Santo Antonio Baucau ). Dom Bosco mak sai nu’udar fundador ba Essa no Santo Antonio mak sai nu’udar mahein ba eskola ne’e. No agora daudaun, Pe. Agnelo Eduardo Jeronimo Moreira,SDB mak sai hanesan director ba escola ne’e.

Actual Director Essa Baucau
Pe. Agnelo Eduardo Jeronimo Moreira,SDB

Eskola ne’e mos sai hanesan eskola ne’ebe famozu iha Timor no dalabarak hetan klasifikakasun di'ak iha nivel nasional ho prestasaun a'as. Eskola ne’e fo atensaun máximu liu ba parte disiplina nia tamba disiplina mak sai hanesan xave ka fundamentu ba sucessu.

Eskola ne’e nia objetivu la’os de’it atu forma ema intelektualmente maibe, atu forma ema ho formasaun integral katak formasaun Intelektual, spiritual no Fisiku.

Ba parte FORMASAUN INTELEKTUAL nian iha eskola ne’e iha area ru'a (2): Siensia Naturais no Siensia Sosiais. Iha ne’e estudante sira sei aprende buat barak hanesan Teoria, pratika no mos diskusaun sira atu dezenvolve estudante sira nia mental no intelektual.

Prosesu Aprendizajen.

Pratika laboratorium.

Ba parte FORMASAUN ESPIRITUAL nian, eskola ne’e sempre hala’o selebrasaun eukaristia (missa) mensal nia, Retiru Anual (preparasaun ba festa Natal no Paskua), reza tersu (fulan maiu no outubro), Via-sakra iha tempu kuaresma no anima liturgia iha parokia.

Selebra festa Dom Bosco.

Ba parte FISICO nian, eskola ne’e mos sempre hala’o atividade extrakulikuler hanesan jogu Essa cup no Dom Bosco cup. No iha jogu Essa cup nian sei hala’o joguhanesan: futebol, basketbol, volleibal no futebol salaun ne’ebe iklui husi kada sala no mestri sira. Iha mos jogu amijade entre eskola, bairu no grupo seluk.

Atividade hirak ne’e ho objetivu atu hametin relasaun amijade entre estudante sira no sosiadade no mos bele dezenvolve estudante sira nia talentu.